Policia e Kosovës ka dhënë detaje në lidhje me plagosjen e dyfishtë që ndodhi dje në Viti.

Sipas policisë, plagosja ka ndodhur pas një mosmarrëveshjeje lidhur me një kontest pronësor.

Të lënduarit janë dërguar për trajtim mjekësor. Në lidhje me rastin është arrestuar një i dyshuar.

“Viti, 08.08.2024-10:00. Raportohet se pas një mosmarrëveshje rreth kontestit pronësor, dy meshkuj kosovarë janë plagosur nga arma e zjarrit. Të lënduarit janë dërguar për tretman mjekësor. Lidhur me rastin është arrestuar një i dyshuar mashkull kosovar. Nga të dyshuarit janë konfiskuar një AK 47, 4 fishekë dhe 14 gëzhoja të kalibrit 7.62mm, një pistoletë e llojit Sig 14, 3 fishekë të kalibrit 9mm, një pushkë gjuetie, një pistoletë Sig auer, 28 fishekë të kalibrit 9×19 mm. Me vendim të prokurorit që të tre personat e përfshirë janë cilësuar si të dyshuar dhe dërgohen në mbajtje”, thuhet në raport./Arbresh.info